Dæmalaus banani

Nú er svo komið að meira að segja harðsvíruðum tréhausum eins og mér er nóg boðið. Ljóst er að hið "Nýja Ísland" verður ekkert siðmenntaðra og betra en það gamla. Núverandi valdsmenn gæta sinna sérhagsmuna eins og sjáaldurs auga síns. Alþingi hefur heldur betur sett niður á undanförnum árum og er nú einungis afgreiðslustofnun fyrir ríkisstjórnarflokkana. Þar er ekkert frumkvæði að neinu leyti, enda að mestu leyti skipað vesalingum. Framtíðarsýnin er ekki beisin, víst er að ekki fáum við skjól fyrir íslenskum ráðamönnum innan ESB, því þangað komumst við ekki , þökk sé þeirra sérhagsmunum. Spillingin þrífst sem aldrei fyrr. Dæmin sjáum við alls staðar : Pabbinn að endurskoða soninn og segir sig svo frá því þegar opinbert var orðið, en ekki fyrr,  bankastjórar bankannna sem koma úr þeim ranni sem settu okkur á hausinn. Nýjasta nýtt eru svo forvígismenn lífeyrissjóðanna, sem búnir eru að glata áralöngum sparnaði umbjóðenda sinna, ekki dettur þeim í hug að segja af sér enda allir með milli 20 - 30 milljónir í árslaun. Stéttarfélagamafían stendur dygg vörð um þessa stjórnendur, enda falla eflaust einhverjir molar af þeim fyrrum nægtaborðum á þeirra disk. Hvar eru aukafundir þessara sjóða, hvar eru launalækkanir þessara stjóra - var þetta ekki árangurstengt ? hefur eitthvað farið framhjá mér ?

Er ekki nóg komið í bili af göngum fyrir örfáa..........

Kominn tími til að taka til hendinni hér á höfuðborgarsvæðinu. Því miður eru þingmenn okkar hér liðónýtir í að sinna umbjóðendum sínum. Hvað haldið þið að það kosti að hafa tugþúsundir manna fasta í umferðaröngþveiti tvisvar á dag hvern einasta vinnudag. Vinnutapið, eldsneytiskostnaðinn og svo maður tali nú ekki um skerðinguna á lífsgæðum sem felst í því að byrja hvern vinnudag með rönguna út og eyða öllum þessum tíma í bílaröð. Vill ekki heyra neitt röfl um að nota strætó - það gerir hvort sem er enginn, eða eins og einn vinur minn sagði: "Þið getið notað strætó, en ég ætla að keyra sjálfur". Til að byrja með legg ég til að allir vöru- og malarflutningar verði bannaðir milli 7:30 - 9:00 á morgnana og svo frá 16:00 til 18:00 seinni partinn. Það yrðu fyrstu skref til að laga til í umferðarmálum okkar. Svo þarf að fækka innkomum og ljósum á Sæbrautinni og fleiri stofnbrautum. Það er náttúrulega bara brandari að aka um þær. Það er ekkert lögmál að stysta leiðin út á stofnbraut skuli valin, heldur mætti frekar safna umferðinni í færri innkomur á þessar stofnbrautir og fækka þar með ljósum og greiða þannig fyrir stofnbrautaumferðinni.

Jarðgöng undir Dynjandisheiði myndi kosta 14 milljarða

The Untouchables

Held að réttasta orðið yfir forystusauði ríkisstjórnarinnar sé nýyrðið "Spaugstofuráðherrar".

Allar þeirra aðgerðir, nú eða aðgerðaleysi virðist upprunnið úr smiðju Spaugstofunnar. Held þau séu vel komin að Pödduverðlaununum. 

Telur að ríkisstjórnin eigi að segja af sér

Hlutabréf ódýrari á Íslandi en í Danmörku............

Þetta eru svokallaðar ekkifréttir eða jafnvel lygafréttir. Moggamenn .. please hættið að reyna að ljúga að okkur hvað við höfum það rosalega flott hér á skerinu.....

Lyf ódýrari hér en í Danmörku

Greiningadeild hvað......

Dæmalaust hvað þessar greiningadeildir eru duglegar við alls kyns dómsdagsspár. Held það sé mjög óhagkvæmt þjóðhagslega að halda uppi þessum deildum.  Því spái ég að þær verði lagðar niður innan tveggja mánaða.

Spá 3% lækkun íbúðaverðs